კვალიფიკაციის ასამაღლებელი კურსები
2018-01-15
იუსტიციის უმაღლესი სკოლა აცხადებს მსურველთა მიღებას კვალიფიკაციის ასამაღლებელ კურსზე: სამოქალაქო/ადმინისტრაციული სამართლის მიმართულება სწავლების ადგილი: სწავლება განხორციელდება იუსტიციის უმაღლესი სკოლის თბილისის ცენტრალურ ოფისსა (თბილისის ჯგუფი) და წყალტუბოს რეგიონულ სასწავლო ცენტრში (დასავლეთ საქართველოს ჯგუფი) სისხლის სამართლის მიმართულება სწავლების ადგილი: თბილისის ცენტრალური ოფისი რეგისტრაციის დაწყება: 15 იანვარი 2018 წ; რეგისტრაციის დასრულება: 3 თებერვალი 2018 წ; სწავლების დაწყება: 12 თებერვალი 2018 წ; დაინტერესებულმა პირებმა გთხოვთ შეავსოთ სარეგისტრაციო ფორმა იუსტიციის უმაღლესი სკოლის ვებ-გვერდზე. დაწვრილებითი ინფორმაციის მისაღებად და რეგისტრაციის გასავლელად, გთხოვთ მიჰყვეთ ბმულს: www.hsoj.ge/geo/study_programs/courses/mosgamo ტელ: (+995 32) 238 11 61 მობ: (+995 599) 68 69 01 ელ-ფოსტა: info@hsoj.ge ვებ-გვერდი:www.hsoj.ge Facebook: www.facebook.com/hsoj.ge/
ვრცლად
წინასასამართლო სხდომის ეტაპზე აღკვეთის ღონისძიების საკითხის გასაჩივრების წესი
2018-01-08
,,წინასასამართლო სხდომის ეტაპზე საჩივრდება მტკიცებულებათა დაუშვებლად ცნობის შესახებ განჩინება და განჩინება სისხლისსამართლებრივი დევნის შეწყვეტის შესახებ, ხოლო აღკვეთის ღონისძიების შესახებ გადაწყვეტილება არ საჩივრდება საგამოძიებო კოლეგიაში“. წარმოგიდგენთ თბილისის სააპელაციო სასამართლოს საგამოძიებო კოლეგიის განჩინებას №1გ/1487-17 (2017-12-28) . განჩინება საბოლოოა და გასაჩივრებას არ ექვემდებარება. საქმის მასალების მიხედვით, მ.ლ.-ს წარედგინა ბრალდება ოჯახში ძალადობის ფაქტზე ჩადენილი წინასწარი შეცნობით არასრულწლოვნის მიმართ. პირველი ინსტანციის სასამართლოს განჩინებით ბრალდებულს გირაო შეეფარდა. ხოლო წინასასამართლო სხდომაზე გირაო შეიცვალა პატიმრობით, ვინაიდან ბრალდებულმა დადგენილ ვადაში არ უზრუნველყო გირაოს თანხის გადახდა. ამასთან, ბრალდებული მოთავსებულ იქნა ექსპერტიზის ეროვნულ ბიუროში სტაციონარული სასამართლო ფსიქიატრიული ექსპერტიზის ჩატარების მიზნით. აღნიშნული განჩინება გაასაჩივრა ბრალდებულის ადვოკატმა სააპელაციო სასამართლოში. დაცვის მხარემ მიიჩნია, რომ მ.ლ. არ უნდა იქნას გადაყვანილი ფსიქიატრიულ დაწესებულებაში, ამასთან უნდა გაუქმდეს აღკვეთის ღონისძიების სახით შეფარდებული პატიმრობა. საგამოძიებო კოლეგიამ საჩივარი დაუშვებლად ცნო და განჩინებაში განმარტა, რომ წინასასამართლო სხდომის ეტაპზე აღკვეთის ღონისძიების შესახებ მიღებული გადაწყვეტილება არ საჩივრდება საგამოძიებო კოლეგიაში. განჩინებაში არსებითად განხილულია შემდეგი თემები: ☛ აღკვეთის ღონისძიების შეცვლის საკითხი; ☛ წინასასამართლო სხდომის ეტაპზე აღკვეთის ღონისძიების საკითხის გასაჩივრების წესი; ☛ სასამართლო ფსიქიატრიული ექსპერტიზის ჩატარება; ☛ ოჯახში ძალადობა.
ვრცლად
თბილისის სააპელაციო სასამართლოში იმიტირებული სასამართლო პროცესი გაიმართა.
2017-12-29
საგანმანათლებლო პროექტების ფარგლებში, 2017 წლის 28 დეკემბერს თბილისის სააპელაციო სასამართლოში ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტების მონაწილეობით გაიმართა იმიტირებული სასამართლო პროცესი სამოქალაქო სამართალში. პროექტი მიზნად ისახავს იმიტირებული სასამართლო პროცესების მეშვეობით მომავალი იურისტების პრაქტიკული უნარ–ჩვევების განვითარებასა და საზოგადოებაში სამართლებრივი ცოდნის გაღრმავებას.
ვრცლად
თბილისის სააპელაციო სასამართლო გილოცავთ შობა-ახალ წელს
2017-12-28
პატიმრობის ძალაში დატოვების საკითხის განხილვა წინასასამართლო სხდომის ვადის გაგრძელებისას
2017-12-28
,,წინასასამართლო სხდომის ვადის გაგრძელების საკითხის გადაწყვეტის შემდეგ, სასამართლო სავალდებულო წესით იხილავს ბრალდებულის მიმართ გამოყენებული პატიმრობის ძალაში დატოვების მიზანშეწონილობის საკითხს ... ამ შემთხვევაში, სასამართლო არ მსჯელობს მხარეთა მიერ წარმოდგენილი შუამდგომლობების დასაშვებობაზე. ის პირდაპირ აფასებს მხარეთა შუამდგომლობების დასაბუთებულობას იმ ჭრილში, შეიცავს თუ არა პატიმრობის შეცვლის მომთხოვნი მხარის მიერ წარმოდგენილი არგუმენტაცია ისეთ ახალ, არსებითი მნიშვნელობის მქონე საკითხებს ან წარმოდგენილია თუ არა ისეთი მტკიცებულებები, რომლებიც შეიძლება მიუთითებდეს გამოყენებული პატიმრობის შეცვლის ან გაუქმების შესაძლებლობაზე.“ წარმოგიდგენთ თბილისის სააპელაციო სასამართლოს საგამოძიებო კოლეგიის განჩინებას №1გ/1483-17 (2017-12-28) . განჩინება საბოლოოა და გასაჩივრებას არ ექვემდებარება. საქმის მასალების მიხედვით, ვ. გ.-ს წარედგინა ბრალდება არასრულწლოვანი გერის მიმართ ოჯახში ძალადობის ფაქტზე. პირველი ინსტანციის სასამართლოს განჩინებით ბრალდებულს პატიმრობა შეეფარდა. საქმეზე დანიშნული წინასასამართლო სხდომის ვადა ორჯერ გაგრძელდა, ხოლო ბრალდებულის მიმართ პატიმრობის ძალაში დატოვების საკითხი კვლავ მიზანშეწონილად იქნა მიჩნეული. აღნიშნული განჩინება თბილისის სააპელაციო სასამართლოში გაასაჩივრა ბრალდებულმა და ითხოვა მის მიმართ პატიმრობის ნაცვლად გირაოს შეფარდება. ბრალდებულმა პირველი ინსტანციის სასამართლოს განჩინება უკანონოდ მიიჩნია, ვინაიდან მის მიერ წარდგენილი ახალი დოკუმენტები სასამართლომ არსებითად ახალ გარემოებად არ მიიჩნია და არ იმსჯელა მათზე. აღნიშნულ ახალ გარემოებებს წარმოადგენდა მეზობლების დადებითი დახასიათება, ბრალდებულის მიმართ პრეტენზია არ გააჩნდა დაზარალებულს, ბრალდებული იყო სოციალურად დაუცველი და დაავადებული იყო C ჰეპატიტით. საგამოძიებო კოლეგიამ საჩივარი დაუშვებლად ცნო და განმარტა, რომ მართალია დაცვის მხარის მიერ წარმოდგენილი იქნა ახალი დოკუმენტები, რომლებიც არ განხილულა ბრალდებულის მიმართ პატიმრობის შერჩევისას, თუმცა, ეს დოკუმენტები არ ახდენდა გავლენას პატიმრობის ძალაში დატოვების მიზანშეწონილობაზე, არ ამცირებდა არასრულწლოვანი ოჯახის წევრის მიმართ ძალადობის განმეორების საფრთხესა და რისკებს, რომელთა არსებობაც საფუძვლად დაედო ბრალდებულის მიმართ აღკვეთის ღონისძიების სახით პატიმრობის გამოყენებას. შესაბამისად, პატიმრობის გაუქმების ან შეცვლის საკითხი მიზანშეუწონლად იქნა მიჩნეული. განჩინებაში არსებითად განხილულია შემდეგი თემები: ☛ აღკვეთის ღონისძიების შეცვლის საკითხი; ☛ წინასასამართლო სხდომის ვადის გაგრძელება; ☛ პატიმრობის ძალაში დატოვების საკითხის განხილვა; ☛ ოჯახში ძალადობა.
ვრცლად
წიგნების გამოფენა–გაყიდვა
2017-12-22
ყოველი წიგნი ახალი სამყარო და ახალი ემოციაა. სწორედ ამიტომ 22 დეკემბერს თბილისის სააპელაციო სასამართლომ, წიგნების გამოფენა-გაყიდვას უმასპინძლა. წიგნების გამოფენა გაყიდვაზე, მნიშვნელოვანი ფასდაკლებით წარმოდგენილი იყო უამრავი საბავშვო და საყმაწვილო შემეცნებითი წიგნები,სახელმძღვანელოები და მხატვრული ლიტერატურა. თბილისის სააპელაციო სასამართლო მიზნად ისახავს თავის მოხელეებს, შეუმსუბუქოს დატვირთული რეჟიმი და შეუქმნას კომფორტული სამუშაო გარემო. ამ მიზნით, სასამართლო მომავალშიც გეგმავს მსგავსი ტიპის ღონისძიებებს სხვადასხვა გამომცემლობასთან.
ვრცლად
სასამართლო ტური სკოლის მოსწავლეებისთვის
2017-12-22
სასამართლო ტური, რომელიც ხელს უწყობს მოსწავლეთა ყურადღებისა და ინტერესის გაღვივებას, სასამართლო სისტემის მიმართ კვლავ დიდი ინტერესით გრძელდება . 21 დეკემბერს თბილისი სააპელაციო სასამართლოს კანდიდის სკოლის XIII, IX, X კლასის მოსწავლეები ესტუმრნენ. მოსწავლეებმა მოისმინეს საინტერესო პრეზენტაცია, მიიღეს მათთვის საინტერესო კითხვებზე პასუხები, გაეცნენ სააპელაციო სასამართლოს სტრუქტურას. ხოლო ტურის ბოლოს, დაათვალიერეს სასამართლოს შენობა. სასამართლო ტურს თავმჯდომარის ბიუროს კონსულტანტი თამარ ერგემლიძე უძღვებოდა.
ვრცლად
სასამართლო ტური მე-60 საჯარო სკოლის მოსწვალეებისთვის
2017-12-15
სასამართლო ტურის მიმართ მოსწავლეების ინეტერესი საგრძნობლად იზრდება. 14 დეკემბერს თბილისის სააპელაციო სასამართლოს მე-60 საჯარო სკოლის IX-X-XI კლასის მოსწავლეები ესტუმრნენ. სასამართლო ტურს უძღვებოდა თბილისის სააპელაციო სასამართლოს მრჩეველ-კონსულტანტი დარია ლეგაშვილი.
ვრცლად
სასამართლო ტური სკოლის მოსწავლეებისთვის
2017-12-08
7 დეკემბერს, ტრადიციისამებრ თბილისის სააპელაციო სასამართლოში, განგრძობადი განათლების პროექტის ფარგლებში ,,სასამართლო ტური’’ გაიმართა. სასამართლოს ამჯერად თბილისის 11-ე საჯარო სკოლის IX-XII კლასის მოსწავლეები ესტუმრნენ. სასამართლო ტურს უძღვებოდა თავჯდომარის ბიუროს კონსულტანტი თათია ქვრივიშვილი. მოსწავლეები გაეცნენ პრეზენტაციას, იმსჯელეს არასრულწლოვანთა უფლებების, სასამართლო ხელისუფლების დანიშნულების და მოსამართლის როლის შესახებ. ტურის დასრულების შემდეგ დაათვალიერეს სასამართლოს სხდომის დარბაზები და გადაიღეს სამახსოვრო ფოტოები. შეგახსენებთ, სასამართლო ტურზე დარეგისტრირება შეუძლიათ იურიდიული ფაკულტეტის სტუდენტებსა და სამართლით დაინტერესებულ დამამთავრებელი კლასის მოსწავლეებს.
ვრცლად
თსუ-ს იურიდიული ფაკულტეტის სტუდენტები სააპელაციო სასამართლოში
2017-12-01
თბილისის სააპელაციო სასამართლო კვლავაც აგრძელებს სასამართლო ტურის პროექტს, რომელიც 2013 წლიდან ხორციელდება და მიზნად ისახავს, ახალგაზრდა თაობის ცნობიერების ამაღლების ხელშეწყობას. სამართლით დაინტერესებულ სკოლის მოსწავლეებსა და იურიდიული ფაკულტეტის სტუდენტებს შესაძლებლობა აქვთ ეწვიონ სასამართლოს, გადაიღონ სამახსოვრო ფოტოები, დასვან შეკითხვები და აქტიურად ჩაერთონ დისკუსიაში, მოისმინონ პრეზენტაცია სასამართლო სისტემის, მისი ფუნქციონირებისა და მოსამართლის როლის შესახებ, ხოლო ტურის ბოლოს დაათვალიერონ სასამართლოს სხდომის დარბაზები და ძველი ქართული სამართლის ძეგლების ფოლიანტების გამოფენა. სწორედ ამ პროექტის ფარგლებში, 30 ნოემბერს თბილისის სააპელაციო სასამართლოს თსუ-ს იურიდიული ფაკულტეტის პირველი კურსის სტუდენტები ესტუმრნენ. სასამართლო ტურს უძღვებოდა თავჯდომარის ბიუროს კონსულტანტი ნათია გაბინაშვილი.
ვრცლად
27 ნოემბერი გლოვის დღედ გამოცხადდა
2017-11-27
თბილისის სააპელაციო სასამართლო ღრმა მწუხარებას გამოთქვამს ბათუმში სასტუმრო ,,ლეოგრანდში" მომხდარი ტრაგედიის გამო და უსამძიმრებს ხანძრის შედეგად დაღუპულთა ოჯახებს.
ვრცლად
სასამართლოში სტაჟიორთა ახალი ნაკადის მიღება გაიმართა
2017-11-15
დღეს, თბილისის სააპელაციო სასამართლოში კონკურსის წესით შერჩეულ სტაჟიორთა მიღება გაიმართა. სტუდენტთა ახალი ნაკადი მომდევნო 6 თვის განმავლობაში სასამართლოს სხვადასხვა სტრუქტურულ ერთეულში გაივლის სტაჟირებას. სტაჟიორებს სასამართლოს მენეჯერი და სხვა სტრუქტურული ერთეულების უფროსები შეხვდნენ. მიულოცეს მათ შესარჩევ კონკურში გამარჯვება და იმედი გამოთქვეს, რომ მათი 6 თვიანი სტაჟირება სასამართლოში პროდუქტიული იქნება, როგორც მათი პიროვნული, ისე პროფესიული განვითარებისთვის.
ვრცლად
კაზუსების ამოხსნის მეთოდიკა
2017-11-13
იუსტიციის უმაღლესი სკოლა აცხადებს მსურველთა მიღებას შემდეგ კურსზე: ✓ კაზუსის ამოხსნის მეთოდიკა სამოქალაქო და ადმინისტრაციულ სამართალში კურსის ხანგრძლივობაა 36 საათი (მოიცავს შემაჯამებელ გამოცდას) ✓ კაზუსის ამოხსნის მეთოდიკა სისხლის სამართალში. კურსის ხანგრძლივობაა 21 საათი და 30 წუთი (მოიცავს შემაჯამებელ გამოცდას). რეგისტრაციის დაწყება: 13 ნოემბერი 2017 წ რეგისტრაციის დასრულება: 26 ნოემბერი. 2017 წ სწავლების დაწყება: 5 დეკემბერი 2017 წ. დაინტერესებულმა პირებმა უნდა შეავსონ სარეგისტრაციო ფორმა იუსტიციის უმაღლესი სკოლის ვებ-გვერდზე. მონაწილეებთან დაკავშირება მოხდება ელექტრონული ფოსტის მეშვეობით. ტელ: (+995 32) 238 11 61 მობ: (+995 599) 68 69 01 ელ-ფოსტა:info@hsoj.ge ვებ-გვერდი: www.hsoj.ge Facebook: https://facebook.com/hsoj.ge/
ვრცლად
სასამართლოს გადაწყვეტილება ოპოზიციური პარტიების სააპელაციო საჩივრების თაობაზე
2017-11-06
დღეს, თბილისის სააპელაციო სასამართლოს ადმინისტრაციულ საქმეთა პალატამ, ზეპირი მოსმენით განიხილა ოპოზიციური პარტიების (საარჩევნო ბლოკი ,,დიმიტრი ლორთქიფანიძე, კახა კუკავა - დემოკრატიული მოძრაობა, თავისუფალი საქართველო“, ,,შალვა ნათელაშვილი - საქართველოს ლეიბორისტული პარტია, ,,გიორგი ვაშაძე - ერთობა ახალი საქართველო“, ,,ერთიანი ნაციონალური მოძრაობა“, ,,ბაქრაძე, უგულავა - ევროპული საქართველო“, ,,ეროვნული ფორუმი“, ,,ახალი ქრისტიან-დემოკრატები“, ,,საქართველოს პატრიოტთა ალიანსი“) საჩივარი. აპელანტების მოთხოვნას წარმოადგენდა თბილისის საქალაქო სასამართლოს 4 ნოემბრის გადაწყვეტილების გაუქმება, ცესკო-ს ქ. თბილისის საკრებულოს პროპორციული საარჩევნო სისტემით ჩატარებული და თბილისის მერის არჩევნების შედეგების შემაჯამებელი ოქმების ბათილად ცნობა, ცესკო-ს მიერ საუბნო და საოლქო საარჩევნო კომისიებში შესული საჩივრების შესწავლა, საჩივრების ავტორებისა და ხმის დათვლაში მონაწილე პირების გამოკითხვა და შესაბამისი საფუძლების შემთხვევაში ხმების ხელახლა დათვლა. ასევე, საარჩევნო ბლოკ ,,ერთიანი ნაციონალური მოძრაობის“ სააპელაციო საჩივრის მოთხოვნას წარმოადგენდა თბილისის საქალაქო სასამართლოს 2 ნოემბრის განჩინების (სარეზოლუციო ნაწილის მე-4 პუნქტის 41-ე ქვეპუნქტის) გაუქმება, მათი მესამე პირად ჩაბმის ნაწილში. თბილისის სააპელაციო სასამართლოს 6 ნოემბრის გადაწყვეტილებით, არ დაკმაყოფილდა ოპოზიციური პარტიების სააპელაციო საჩივრები და თბილისის საქალაქო სასამართლოს 4 ნოემბრის გადაწყვეტილება დარჩა უცვლელი.; ხოლო საარჩევნო ბლოკ ,,ერთიანი ნაციონალური მოძრაობის“ სააპელაციო საჩივარი დაკმაყოფილდა ნაწილობრივ და გაუქმდა თბილისის საქალაქო სასამართლოს 2 ნოემბრის განჩინების სარეზოლუციო ნაწილის მე-4 პუნქტის 41-ე ქვეპუნქტი.
ვრცლად
სკოლის მოსწავლეებისთვის სასამართლო ტური გაიმართა
2017-11-03
თბილისის სააპელაციო სასამართლო კვლავაც აგრძელებს სასამართო ტურის პროექტს, რომლის ფარგლებშიც სამართლით დაინტერესებულ სკოლის მოსწავლეებსა და იურიდიული ფაკულტეტის სტუდენტებს შესაძლებლობა აქვთ ეწვიონ სასამართლოს, მოისმინონ პრეზენტაცია სასამართლო სისტემის, მისი ფუნქციონირებისა და მოსამართლის როლის შესახებ, ხოლო ტურის ბოლოს დაათვალიერონ სასამართლოს შენობა, სხდომის დარბაზები და ძველი ქართული სამართლის ძეგლების ფოლიანტების გამოფენა. სწორედ ამ პროექტის ფაგლებში, 2 ნოემბერს თბილისის სააპელაციო სასამართლოს 213-ე სკოლის მოსწავლეები ესტუმრნენ. სასამართლო ტურს უძღვებოდა სასამართლოს თავმჯდომარის ბიუროს კონსულტანტი თამარ ერგემლიძე.
ვრცლად
თბილისის სააპელაციო სასამართლო 12 წლისაა
2017-11-01
დღეს, 1 ნოემბერს თბილისის სააპელაციო სასამართლოს დაარსებიდან 12 წელი შეუსრულდა. თბილისის სააპელაციო სასამართლო ულოცავს თითოეულ მოსამართლესა და აპარატის თანამშრომელს სასამართლოს დაარსების 12 წლის იუბილეს და მადლობას უხდის მათ სასამართლო საქმიანობაში შეტანილი წვლილისა და თავდაუზოგავი შრომისათვის. შეგახსენებთ, 2005 წელს განხორციელებული საკანონმდებლო ცვლილებების შედეგად, 1 ნოემბრიდან ამოქმედდა სააპელაციო ინსტანცია, რითაც ძირეულად შეიცვალა საოლქო სასამართლოების მოდელი. სწორედ ამ დღეს დაარსდა თბილისის სააპელაციო სასამართლოც.
ვრცლად
შრომის სამართლის კურსი
2017-11-01
იუსტიციის უმაღლესი სკოლა აცხადებს მსურველთა მიღებას შემდეგ კურსზე: „შრომის სამართლის საერთაშორისო სტანდარტები, ეროვნული კანონმდებლობა და სასამართლო პრაქტიკა“. კურსის მიზანია, დაინტერსებულ პირთა კვალიფიკაციის ამაღლება შრომით-სამართლებრივი ურთიერთობების სწორად დაგეგმვისა და წარმართვის სფეროში. რეგისტრაციის დაწყება: 1 ნოემბერი. 2017 წ რეგისტრაციის დასრულება: 20 ნოემბერი. 2017 წ სწავლების დაწყება: 27 ნოემბერი 2017 წ დაინტერესებულმა პირებმა უნდა შეავსონ სარეგისტრაციო ფორმა იუსტიციის უმაღლესი სკოლის ვებ-გვერდზე. მონაწილეებთან დაკავშირება მოხდება ელექტრონული ფოსტის მეშვეობით. ადგილების რაოდენობა შეზღუდულია! დაწვრილებითი ინფორმაციის მისაღებად იხილეთ ბმული. ტელ: (+995 32) 238 11 61 მობ: (+995 599) 68 69 01 ელ-ფოსტა: info@hsoj.ge ვებ-გვერდი: www.hsoj.ge www.facebook.com
ვრცლად
გადაწყვეტილება საარჩევნო დავაზე
2017-10-27
2017 წლის 27 ოქტომბერს, თბილისის საპელაციო სასამართლოს ადმინისტრაციულ საქმეთა პალატამ ზეპირი მოსმენით განიხილა აპელანტების (ადგილობრივი სადამკვირვებლო ორგანიზაცია ,,დემოკრატიულ ინიციატივათა საერთაშორისო ცენტრის“ თავმჯდომარე - მერი კ. და აღნიშნული ორგანიზაციის ადგილობრივი დამკვირვებელი - მაია დ., პარტია „ქართული ოცნება დემოკრატიული საქართველო“, ლელა ქ. და №19 თიანეთის საოლქო საარჩევნო კომისია) საჩივრები №19 თიანეთის საოლქო საარჩევნო კომისიის 2017 წლის 22 ოქტომბრის აქტების ბათილად ცნობის თაობაზე. აპელანტები ითხოვდნენ მცხეთის რაიონული სასამართლოს გადაწყვეტილების გაუქმებას. მოწინააღმდეგე მხარის (№20 თიანეთის საუბნო საარჩევნო კომისია, მესამე პირი - ,,თამაზ მეჭიაური ერთიანი საქართველოსათვის“ და თამაზ მეჭიაური) მოთხოვნას წარმოადგენდა მცხეთის რაიონული სასამართლოს გადაწყვეტილების უცვლელად დატოვება. თბილისის სააპელაციო სასამართლოს 27 ოქტომბრის გადაწყვეტილებით, არ დაკმაყოფილდა სააპელაციო საჩივრები და მცხეთის რაიონული სასამართლოს გადაწყვეტილება დარჩა უცვლელი. თბილისის სააპელაციო სასამართლოს გადაწყვეტილება საბოლოოა და გასაჩივრებას არ ექვემდებარება.
ვრცლად
ხორვატი მოსამართლე სტუმრად სასამართლოში
2017-10-19
18 ოქტომბერს, თბილისის სააპელაციო სასამართლოს სტუმრად ხორვატი მოსამართლე და ექსპერტი ჟელკო პაიალიჩი ეწვია. სტუმარს სასამართლოს ადამიანური რესურსების მართვის სამსახურის უფროსი და მოსამართლის თანაშემწეები შეხვდნენ. შეხვედრა განხორციელდა „სამოსამართლო სწავლების გაძლიერება Twinning-ის მეშვეობით“ პროექტის ფარგლებში, რომელიც ხორციელდება ევროკავშირის დაფინანსებით იუსტიციის უმაღლეს სკოლის მიერ. შეხვედრის ძირითად მიზანს სასამართლო მოხელეთა განგრძობითი ტრენინგის პროგრამებისა და ტრენინგის საჭიროებების შესწავალა-ანალიზი წარმოადგენდა. სასამართლოს თანამშრომლებმა ექსპერტს გაუზიარეს ახალი და აქტუალური თემები. რის საფუძველზეც მომზადდება ახალი სასწავლო პროგრამა და უზრუნველყოფილი იქნება შესაბამისი ტრენინგები. პროექტი მნიშვნელოვან წვლილს შეიტანს სასამართლოსა და სამართლებრივი რეფორმის წარმატებით განხორციელების პროცესში. სასამართლო სისტემის დამოუკიდებლობის, დემოკრატიული ინსტიტუტების გრძელვადიანი სტაბილურობისა და ეფექტიანობის, კანონის უზენაესობის, ადამიანის უფლებების და ძირითადი თავისუფლებების პატივისცემის უზრუნველყოფის გზით.
ვრცლად
საგამოძიებო კოლეგიის განჩინება ნარკოტიკული საშუალების მოხმარებისათვის ბრალდებული პირისათვის გირაოს შეფარდების თაობაზე
2017-10-18
,,პირის წარსულში ნასამართლობა ყოველთვის არ მიუთითებს ახალი დანაშაულის ჩადენის საფრთხეზე, მაგრამ როდესაც სახეზეა ერთგვაროვანი დანაშაულების რამდენჯერმე ჩადენა, თანაც, თუ ეს დანაშაულები დაკავშირებულია ნარკოტიკული საშუალების ექიმის დანიშნულების გარეშე მოხმარებასა ან/და მისგან მომდინარე თანმდევი კანონისმიერი აკრძალვების დარღვევასთან, რასაც ამ შემთხვევაში აქვს ადგილი, უნდა მივიჩნიოთ, რომ დანაშაულებრივი საქმიანობის გაგრძელების რისკის არსებობა არის დასაბუთებული.“ წარმოგიდგენთ თბილისის სააპელაციო სასამართლოს საგამოძიებო კოლეგიის განჩინებას №1გ/1199-17 (2017-10-04) . განჩინება საბოლოოა და გასაჩივრებას არ ექვემდებარება. საქმის მასალების მიხედვით, ა. ე.-ს წარედგინა ბრალდება სსკ-ის 273(1) მუხლის 1-ლი ნაწილით - ნარკოტიკული საშუალება ,,მარიხუანას“ ექიმის დანიშნულების გარეშე მოხმარების გამო, ჩადენილი ნასამართლევი პირის მიერ. პროკურორმა პირველი ინსტანციის სასამართლოში შუამდგომლობით ითხოვა ბრალდებულის მიმართ აღკვეთის ღონისძიების სახით გირაოს 2000 ლარის ოდენობით გამოყენება. აღნიშნული შუამდგომლობა არ დაკმაყოფილდა და ბრალდებულს არ შეეფარდა აღკვეთის ღონისძიების არც ერთი სახე. იმ მოტივით, რომ ისეთი კატეგორიის საქმეებზე, რომლისთვისაც სასჯელის სახით არ არის გათვალისწინებული თავისუფლების აღკვეთა, არ შეიძლება გამოყენებული იქნეს გირაო. აღნიშნული განჩინება პროკურორმა გაასაჩივრა თბილისის სააპელაციო სასამართლოში ბრალდებულისათვის გირაოს შეფარდების მოთხოვნით. საგამოძიებო კოლეგიამ საჩივარი ნაწილობრივ დააკმაყოფილა და ბრალდებულს შეუფარდა გირაო კანონით დადგენილი მინიმალური 1000 ლარის ოდენობით. ამასთან, დამატებითი ღონისძიების სახით დააკისრა საკუთარი ხარჯით ნარკოლოგიური გამოკვლევების ჩატარებისა და შესაბამისი დასკვნის გამომძიებლისათვის წარდგენის ვალდებულება, ასევე სხვა ვალდებულებები. განჩინებაში მოსამართლე განმარტავს, თუ რა შემთხვევაშია შესაძლებელი გირაო შეეფარდოს ბრალდებულს და თუ რა ფაქტორების გათვალისწინებით უნდა მოხდეს გირაოს თანხის განსაზღვრა. განჩინებაში არსებითად განხილულია შემდეგი თემები: ☛ აღკვეთის ღონისძიების მიზნები და საფუძვლები; ☛ აღკვეთის ღონისძიების გარეშე დატოვება; ☛ გირაოს გამოყენების წინაპირობები; ☛ გირაოს თანხის ოდენობა; ☛ მარიხუანას ექიმის დანიშნულების გარეშე მოხმარება.
ვრცლად
მედიაცია და დაგი (ADR)
2017-10-18
წარმოგიდგენთ საჯარო ლექციის ვიდეო ჩანაწერს თემაზე: "რატომ არის მედიაცია და დაგი (ADR) კრიტიკული თქვენი პროფესიული მომავლისათვის" საჯარო ლექციას კითხულობს ვიქტორ შახტერი - კანონის უზენაესობის მდგრადი ინიციატივების ფონდის (FSRI) დამფუძნებელი და დირექტორი. საჯარო ლექცია ჩატარდა თბილისის სახელმწიფო უნივერსიტეტის I კორპუსში 2017 წლის 3 ოქტომბერს. ღონისძიება ჩატარდა თბილისის სახელმწიფო უნივერსიტეტის, ა(ა)იპ „საქართველოს მედიატორთა ასოციაციის“, დავის ალტერნატიული გადაწყვეტის ეროვნული ცენტრის (NCADR), იურიდიული კომპანია “ჯეი ენდ თი ქონსალთინგისა“ და თბილისის სააპელაციო სასამართლოს თანამშრომლობით.
ვრცლად
© 2013, თბილისის სააპელაციო სასამართლო
ქ. თბილისი, გრ. რობაქიძის გამზ. 7ა, 0159
სატელეფონო ცენტრი: (+995 32) 251 85 21

საიტის ძველი ვერსია