სისხლის უანგარო დონაციის აქცია
2017-09-15
14 სექტემბერს, თბილისის სააპელაციო სასამართლოში სისხლის უანგარო დონაციის აქცია გაიმართა. მოსამართლეებმა და აპარატის თანამშრომლებმა, ამჯერად, დახმარება სისხლის გადასხმის საქალაქო სადგურს გაუწიეს. შეგახსენებთ, სისხლის უანგარო დონაციის აქცია თბილისის სააპელაციო სასამართლოში პერმანენტულად იმართება, რომლის მიზანს სისხლის კომპონენტების დეფიციტის შემცირება წარმოადგენს. თბილისის სააპელაციო სასამართლო მხარს უჭერს სოციალურ აქტივობებს და მუდამ მზადაა მონაწილეობა მიიღოს მსგავსი სახის ღონისძიებებში.
ვრცლად
სისხლის უანგარო დონაციის აქცია სასამართლოში
2017-06-01
1 ივნისს, ბავშვთა დაცვის საერთაშორისო დღესთან დაკავშირებით, ლეიკემიით დაავადებულ ბავშვთა დასახმარებლად, თბილისის სააპელაციო სასამართლოში სისხლის უანგარო დონაციის აქცია გაიმართა. აქციაში მონაწილეობა მიიღეს როგორც სასამართლოს მოსამართლეებმა, ისე მოხელეებმა და სტაჟიორებმა. აღნიშნული აქცია პერმანენტულად ტარდება თბილისის სააპელაციო სასამართლოში და მიზნად ისახავს სისხლის კომპონენტების დეფიციტის შემცირებას.
ვრცლად
„წიგნები საქართველოდან ემიგრანტებისათვის“
2017-05-15
თბილისის სააპელაციო სასამართლომ მონაწილეობა მიიღო საქართველოს პარლამენტის დიასპორისა და კავკასიის საკითხთა კომიტეტისა და საქართველოს ახალგაზრდა იურისტთა ასოციაციის (საია) ინიციატივით, 8 მაისს განხორციელებულ ღონისძიებაში „წიგნები საქართველოდან ემიგრანტებისათვის“. აღნიშნული პროექტის ფარგლებში სასამართლოს ბიბლიოთეკიდან საჩუქრად გაიგზავნა სამართლებრივი ლიტერატურა. სოციალური სასამართლოს პროექტის ფარგლებში, თბილისის სააპელაციო სასამართლო ყოველთვის მზადაა მომავალშიც აქტიური მონაწილეობა მიიღოს მსგავსი სახის ღონისძიებებში.
ვრცლად
თბილისის სააპელაციო სასამართლოს მოხელეებმა საქველმოქმედო მარათონში მიიღეს მონაწილეობა
2017-05-08
7 მაისს, თბილისის სააპელაციო სასამართლოს მოხელეებმა მონაწილეობა მიიღეს საქველმოქმედო მარათონში Wings for Life World Run, რომელიც ლოპოტას მიმდებარე ტერიტორიაზე გაიმართა. ღონისძიებიდან შემოსული თანხა სრულად მოხმარდება სამედიცინო და კლინიკურ კვლევებს ზურგის ტვინის დაზიანების სამკურნალოდ. აღნიშნულ აქციაში თბილისის სააპელაციო სასამართლოს თანამშრომლები უკვე მეორე წელია რაც მონაწილეობას იღებენ. ჩვენ ყოველთვის მხარს ვუჭერთ მსგავსი სახის საქველმოქმედო სოციალურ ღონისძიებებს.
ვრცლად
განახლდა უფასო იურიდიული დახმარების (PRO BONO) ცნობარი
2016-10-12
სოციალური სასამართლოს პროექტის ფარგლებში მეხუთედ განახლდა უფასო იურიდიული დახმარების გამწევ ორგანიზაციათა ცნობარი. განახლებული ცნობარი აერთიანებს 17 სხვადასხვა ორგანიზაციის საკონტაქტო მონაცემებსა და პირველად ინფორმაციას იურიდიული დახმარების გაწევის პირობებისა და საკონსულტაციო თემების შესახებ. ცნობარი არსებითად განკუთვნილია თვითდამცველი პირებისათვის (self-defendent) და ვიმედოვნებთ, რომ იგი ხელს შეუწყობს სამართლიანი და ხელმისაწვდომი მართლმსაჯულების პრინციპების განხორციელებას. პროექტთან დაკავშირებით დამატებითი ინფორმაციისათვის მიმართეთ თბილისის სააპელაციო სასამართლოს თავმჯდომარის ბიუროს მისამართზე probono@court.ge
ვრცლად
სისხლის უსაფრთხოებისა და უანგარო დონორობის რეგულარული მხარდაჭერისათვის
2015-06-19
საქართველოს შრომის, ჯანმრთელობისა და სოციალური დაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა (NCDC) მადლობის სიგელი გადასცა თბილისის სააპელაციო სასამართლოს სისხლის უსაფრთხოებისა და უანგარო დონორობის რეგულარული მხარდაჭერისათვის.
ვრცლად
© 2013, თბილისის სააპელაციო სასამართლო
ქ. თბილისი, გრ. რობაქიძის გამზ. 7ა, 0159
სატელეფონო ცენტრი: (+995 32) 251 85 21

საიტის ძველი ვერსია