მენეჯმენტის ტრეინინგი თბილისის სააპელაციო სასამრთლოში
2015-02-27
საშუალო და მაღალი რგოლის მენეჯერთა კომპეტენციის ამაღლებისა და გაღრმავების მიზნით, თბილისის სააპელაციო სასამართლოში დაიწყო ტრეინინგების სერია სასამართლო მენეჯმენტის თემაზე; ოთხ დღიან ტრეინინგში, ჩართული იყვნენ სააპელაციო სასამართლოს თავმჯდომარე ვალერი ცერცვაძე, სასამართლოში მენეჯმენტის განხორცილებაზე პასუხისმგებელი პირები და მოსამართლეები; ტრეინინგს უძღვებოდნენ გერმანელი და პოლონელი ტრენერები. ტრეინინგის ფარგლებში განხილული თემებია: SWOT ანალიზი, მენეჯმენტის ხერხები, სტრატეგია და ორგანიზაციული ანალიზი, საკვანძო ინფორმაციული სისტემების ანალიზი და სხვა. თბილისის სააპელაციო სასამართლო მადლობას უხდის: გერმანიის საერთაშორისო თანამშრომლობის საზოგადოების (GIZ-ს) ტრეინინგის ორგანიზებისათვის. აღნიშნული პროექტის ფარგლებში, ერთობლიობაში შედგება 4 ტრეინინგი საქართველოსა და გერმანიაში;
ვრცლად
თბილისის სააპელაციო სასამართლომ, ჰამბურგის მოსამართლეთა დელეგაციას უმასპინძლა
2015-02-26
ორდღიანი ვიზიტის ფარგლებში, ჰამბურგისა და სააპელაციო სასამართლოს მოსამართლეები სამართლებრივ საკითხებთან დაკავშირებით ერთმანეთს გამოცდილებას უზიარებდნენ. სტუმრები გაეცნენ ქართულ მარლთმსაჯულების სისტემას და მიმდინარე გამოწვევებს. სამუშაო სესიის ფარგლებში, რომელსაც სააპეალციო სასამართლოს თავმჯდომარე ვალერი ცერცვაძე ხელმძღავნელობდა მსჯელობა გაიმართა სისხლის სამართლის პროცესში მოსამართლის როლსა და არასრულწლოვანთა მარლთმსაჯულებაზე საქართველოში. სესიის ფარგლებშივე დეტალურად იქნა განხილული არასრულწლოვანთა მართლმსაჯულების შესახებ კოდექსის და მოხდა პარალელების გავლება გერმანულ კანონმდებლობასთან. ვიზიტის ფარგლებშივე, სტუმრები დაესწრნენ სისხლის სამართლის სასამართლო პროცესს. თბილისის სააპელაციო სასამართლო მადლობას უხდის ორგანიზაცია: „საერთაშორისო სამართლებრივ თანამშრომლობას“ (IRZ) შეხვედრის ორგანიზებისათვის. სააპელაციო სასამართლოს მოსამართლეთა შემადგენლობა მზადაა ორმხრივი პარტნიორობის გაძლიერებისათვის ჰამბურგის სასამართლოსთან. აღნიშნული ხელს შეუწყობს, მხარეთა შორის გამოცდილების გაზიარებასა და მჭიდრო თანამშრომლური ურთიერთობების ჩამოყალიბებას.
ვრცლად
იმიტირებული სასამართლო პროცესი ჟურნალისტებისთვის
2015-02-16
თბილსის სააპელაციო სასამართლომ ჟურნალისტურ იმიტირებულ სასამართლო პროცესს უმასპინძლა. იმიტირებული პროცესი პროექტ: “იურიდიული განათლება ჟურნალისტებისთვის” - ფარგლებში გაიმართა. პროცესის შემდეგ ჟურნალისტებს გადაეცათ სერტიფიკატები კურსის წარმატებით დასრულებისათვის. თბილისის სააპელაციო სასამართლო, განგრძობადი განათლების პროექტის ფარგლებში აქტიურად თანამშრომლობს ყველა დაინტერესებულ მხარესთან, რომელიც სამართლებრივი განათლების გავრცელებას უწყობს ხელს.
ვრცლად
საინიციატივო ჯგუფმა უზენაესი სასამართლოს თავმჯდომარის კანდიდატად მერაბ გაბინაშვილი წარადგინა
2015-02-11
მოსამართლეთა საინიციატივო ჯგუფის მიერ, უზენაესი სასამართლოს თავმჯდომარეობის კანდიდატად წარდგენილია თბილისის სააპელაციო სასამართლოს მოქმედი მოსამართლე, საგამოძიებო კოლეგიის თავმჯდომარე, იუსტიციის უმაღლესი საბჭოს წევრი მერაბ გაბინაშვილი. უცვლელად გთავაზობთ მიმართვის ტექსტს; ბატონო პრეზიდენტო, ვუერთდებით თქვენს ინიციატივას და გამოვთქვამთ სურვილს, მონაწილეობა მივიღოთ უზენაესი სასამართლოს თავმჯდომარის კანდიდატის შერჩევაში. ჩვენთვის, მოქმედი მოსამართლეებისათვის, ორმაგად მნიშვნელოვანია კანდიდატის სწორად შერჩევა, რომელიც სათავეში ჩაუდგება სასამართლო ხელისუფლებას და იქნება დამოუკიდებელი, მიუკერძოებელი, ძლიერი სასამართლო სისტემის გარანტი. თქვენს მიერ ტელევიზიით გაკეთებულ განცხადებაში ყურადღება გამახვილდა ისეთ დამატებით კრიტერიუმებზე, როგორიცაა პრინციპულობა, მენეჯერული თვისებები, პარტიული გავლენისაგან თავისუფლება, პროფესიონალიზმი. მიგვაჩნია, რომ როგორც კონსტიტუციით დადგენილი, ასევე, თქვენს მიერ გაცხადებულ კრიტერიუმებს სრულიად შეესაბამება ჩვენი მხრიდან ინიცირებული პიროვნება - მერაბ გაბინაშვილი. მერაბ გაბინაშვილი გახლავთ მოქმედი მოსამართლე 9 წლიანი სამოსამართლეო გამოცდილებით. არის თბილისის სააპელაციო სასამართლოს საგამოძიებო კოლეგიის თავმჯდომარე, ამავდროულად, იუსტიციის უმაღლესი საბჭოს მოსამართლე წევრი. დასახელებული კანდიდატი გამოირჩევა კეთილსინდისიერებით და პრინციპულობით, რაზეც მეტყველებს მის მიერ წარსულში მიღებულ გამამართლებელ განაჩენთა სიმრავლე. მერაბ გაბინაშვილი 6 წლის მანძილზე გახლდათ რაიონული სასამართლოს თავმჯდომარე და დღესაც ითავსებს ადმინისტრაციულ ფუნქციებს. ამ პერიოდში მას უხდებოდა და უხდება მენეჯერული უნარ-ჩვევების გამოვლენა. ეფექტური მენეჯერული და სამოსამართლეო თვისებების გამო, ის სხვადასხვა დროს დასახელდა წლის საუკეთესო მოსამართლედ. მერაბ გაბინაშვილი ასევე, მისი ოჯახის რომელიმე წევრი არ ყოფილა პარტიული. მას თავისი სამოსამართლეო საქმიანობის მანძილზე არ გამოუვლენია რომელიმე პარტიისადმი მიკერძოება ან რაიმე ნიშნით დამოკიდებულება. ჩვენს მიერ დასახელებული კანდიდატი ხასიათდება პროფესიონალიზმით, ის სარგებლობს მაღალი ავტორიტეტით და ნდობით, როგორც მოსამართლეთა შორის, ისე, იურიდიულ წრეებში. აღნიშნულზე მეტყველებს იუსტიციის უმაღლესი საბჭოს წევრების არჩევნების პროცესი, რა დროსაც მერაბ გაბინაშვილმა მოაგროვა მოსამართლეთა ხმების 2/3 და დამსახურებულად მოიპოვა იუსტიციის უმაღლესი საბჭოს წევრობა. კანდიდატმა წარჩინებით დაამთავრა თბილისის ივ. ჯავახიშვილის სახელობის სახელმწიფო უნივერსიტეტი, მას აქვს 20 წლიანი პროფესიული მუშაობის გამოცდილება. მერაბ გაბინაშვილი აქტიურად მონაწილეობს იუსტიციის სამინისტროსთან შექმნილ უწყებათაშორის საკოორდინაციო საბჭოში სხვადასხვა კანონპროექტის განხილვაში. არის სისხლის სამართლის რეფორმის ჯგუფის წევრი. ის, ასევე, გახლავთ ფარული ჩანაწერების განადგურებასთან დაკავშირებით შექმნილი სახელმწიფო კომისიის წევრი და ფარულ მოსმენებთან დაკავშირებით შექმნილი საპარლამენტო კომისიის წევრი. უნდა აღინიშნოს, რომ ყველა ამ კომისიაში, თუ ჯგუფში, მერაბ გაბინაშვილი გამოირჩევა პროფესიული აქტივობით, მისი მოსაზრებები კანონპროექტის ჩამოყალიბებასა თუ შეცვლაში აქტიურად იქნა გაზიარებული აღნიშნული კომისიების წევრების მხრიდან. მერაბ გაბინაშვილი პარალელურად ეწევა პედაგოგიურ საქმიანობას იუსტიციის უმაღლეს სკოლაში და მიჰყავს სალექციო კურსი სისხლის სამართალში. მერაბ გაბინაშვილი 2014 წელს იუსტიციის უმაღლესი სკოლის დამოუკიდებელი საბჭოს მიერ არჩეულ იქნა იუსტიციის სკოლის მოსამართლეთა კანდიდატების საგამოცდო კომისიის თავმჯდომარედ, ხოლო 2015 წელს იუსტიციის უმაღლესი საბჭოს მიერ არჩეული იქნა მოსამართლეთა კანდიდატების დამამთავრებელი საგამოცდო კომისიის წევრად. ბატონო პრეზიდენტო, თუ საჭიროდ ჩათვლით ჩვენს მიერ დასახელებულ კანდიდატთან პირადად გასაუბრებას, თქვენ გაეცნობით მერაბ გაბინაშვილის სრულყოფილ ხედვას სასამართლოს შემდგომი განვითარების სტრატეგიის თაობაზე.
ვრცლად
სკოლა "ლოგოსი" სტუმრად სააპელაციო სასამართლოში
2015-02-10
თბილისის სააპელაციო სასამართლოს განგრძობადი განათლების პროექტის ფარგლებში სკოლა „ლოგოსის“ მოსწავლეები ესტუმრნენ. ვიზიტის ფარგლებში, მოსწავლეები შეხვდნენ სააპელაციო სასამართლოს თავმჯდომარის ბიუროს ხელმძღვანელს და მოისმინეს პრეზენტაცია სასამართლო სისტემის, არასრულწლოვანთა უფლებებისა და სამოსამართლო საქმიანობის შესახებ. პრეზენტაციის ფარგლებშივე განხილული იქნა, სასამართლო ინსტანციებს შორის განსხვავებები, სასამართლო ატრიბუტიკის თავისებურებები, ლექცია კითხვა-პასუხის რეჟიმში მიმდინარეობდა. ლექციის დასრულების შემდგომ, სტუდენტებმა სასამართლოს შენობა დაათვალიერეს, იხილეს სხდომათა დარბაზები და დაესწრნენ მიმდინარე სისხლის სამართლის პროცესს.
ვრცლად
კიოლნის უნივერსიტეტის საჩუქარი სააპელაციო სასამართლოს
2015-02-06
პარტნიორობის პროგრამის ფარგლებში, კიოლნის უნივერსიტეტმა სააპელაციო სასამართლოს სამართლებრივი ლიტერატურა გადასცა საჩუქრად. წიგნები, სააპელაციო სასამართლოს მატერიალურ ბიბლიოთეკას დამატა. სააპელაციო სასამართლო მადლობას უხდის, კიოლნის უნივერსიტეტს და მომავალში, უფრო მჭიდრო, ორმხრივი თანამშრომლობის იმედს გამოთქვამს.
ვრცლად
დანაშაული და სამართალი
2015-02-05
აბიტურიენტებს ვისაც აინტერესებთ როგორ მუშაობს საერთაშორისო სისხლის სამართლის სასამართლო, სურთ გაიცნონ საერთაშორისო სისხლის სამართლის სასამართლოს მოსამართლეები და დაესწრნონ სასამართლო პროცესებს, თავისუფალი უნივერსიტეტი, სამართლის სკოლის და სააპელაციო სასამართლოს ორგანიზებით, სთავაზობს კონკურსს „დანაშაული და სამართალი". კონკურსში მონაწილეობის მისაღებად დარეგისტრირება შეუძლიათ საერთაშორისო სამართლით, სისხლის სამართლითა და საერთაშორისო ურთიერთობებით დაინტერესებულ მე-12 კლასის მოსწავლეებს. პირველ ეტაპზე გადასული 90 აბიტურიენტი ქმნის 5 ადამიანისგან შემდგარ 18 გუნდს, შეჯიბრის ნახევარფინალში მონაწილეობას იღებს 18 გუნდიდან საუკეთესო 4 გუნდი, ფინალში ერთმანეთს ხვდება, ქულების საფუძველზე, გამოვლენილი 2 საუკეთესო გუნდი. • კონკურსში გამარჯვებული გუნდი გაემგზავრება საერთაშორისო სისხლის სამართლის სასამართლოში (ჰააგა, ჰოლანდია). • ფინალისტები და გამარჯვებული გუნდის წევრები ასევე მიიღებენ თავისუფალი უნივერსიტეტის სასწავლო გრანტსა და სხვა წამახალისებელ ჯილდოებს. პროექტი უკვე მეორე წელია ხორციელდება, წინა წლის მსგავსად სააპელაციო სასამართლო, წელსაც მხარს უჭერს საინტერესო საგანმანათლებლო წამოწყებას, რომელიც ხელს უწყობს ახალი თაობის სამართლით დაინტერესებას. დამატებითი ინფორმაციისთვის გადადით ბმულზე;
ვრცლად
გმადლობთ, რომ ჩვენი ერთგული ვიზიტორი ხართ!
2015-02-02
მოდით, თვალი გადავავლოთ გასული თვის სტატისტიკას, ვნახოთ რამდენად ხელმისაწვდომი და საინტერესოა სასამართლო სიახლეები, მკითხველებისათვის. ასევე, ერთად შევაფასოთ სააპელაციო სასამართლოს სვა და სხვა სერვისების სტატისტიკა; იანვრის თვეში, სააპელაციო სასამართლოს გვერდს - 2728 უნიკალური ვიზიტორი ჰყავდა, რაც ნიშნავს, რომ სააპელაციო სასამართლოს სიახლეებით დღეში საშუალოდ 100 ადამიანი ინტერესდებოდა, სულ ვიზიტების რაოდენობამ ამავე თვეში: 85318 შეადგინა; დღეის მონაცემებით სააპელაციო სასამართლოს გვერდს, სულ 876293 ვიზიტორი ჰყავდა. სამართლის ელექტრონული ბიბლიოთეკა (სებ) იანვრის თვეში, სებ-ს - 3358 უნიკალური ვიზიტორი ჰყავდა, რაც ნიშნავს, რომ სებ-ის სიახლეებით დღეში საშუალოდ 112 ადამიანი ინტერესდებოდა, სულ ვიზიტების რაოდენობამ ამავე თვეში: 76275 შეადგინა; დღეის მონაცემებით სამართლის ელექტრონული ბიბლიოთეკის გვერდს სულ 210742 ვიზიტორი ჰყავდა. Teen.court.ge იანვრის თვეში, Teen.court.ge-ის - 36 უნიკალური ვიზიტორი ჰყავდა, რაც ნიშნავს, რომ ჩვნი სიახლეებით დღეში საშუალოდ 2 ადამიანი ინტერესდებოდა, სულ ვიზიტების რაოდენობამ ამავე თვეში: 279 შეადგინა; დღეის მონაცემებით tee.court.ge გვერდს, სულ 2059 ვიზიტორი ჰყავდა, ჩვენი საიტი სულ რამდენიმე თვეა ფუნქციონირებს, იმედია, მომავალში სიახლეები მეტი მოზარდის ყურადღებას მიიპყრობენ. განგრძობადი განათლების პროექტი იანვრის თვეში, განგრძობადი განათლების გვერდს - 224 უნიკალური ვიზიტორი ჰყავდა, რაც ნიშნავს, რომ ჩენი სიახლეებით დღეში საშუალოდ 8 ადამიანი ინტერესდებოდა, სულ ვიზიტების რაოდენობამ ამავე თვეში: 146 შეადგინა; დღეის მონაცემებით განგრძობადი განათლების გვერდს, სულ 8438 ვიზიტორი ჰყავდა; უფასო იურიდიული დახმარების პორტალი იანვრის თვეში, უფასო იურიდიული დახმარების პორტალს - 477 უნიკალური ვიზიტორი ჰყავდა, რაც ნიშნავს, რომ ჩენი სიახლეებით დღეში საშუალოდ 16 ადამიანი ინტერესდებოდა, სულ ვიზიტების რაოდენობამ ამავე თვეში: 12428 შეადგინა; დღეის მონაცემებით უფასო იურიდიული დახმარების პორტალს, სულ 19175 ვიზიტორი ჰყავდა; განმარტებითი იურიდიული ლექსიკონი იანვრის თვეში, განმარტებითი იურიდიული ლექსიკონის გვერდს - 3721 უნიკალური ვიზიტორი ჰყავდა, რაც ნიშნავს, რომ ჩენი სიახლეებით დღეში საშუალოდ 125 ადამიანი ინტერესდებოდა, სულ ვიზიტების რაოდენობამ ამავე თვეში: 21126 შეადგინა; დღეის მონაცემებით, განმარტებითი იურიდიული ლექსიკონის გვერდს სულ 50953 ვიზიტორი ჰყავდა;
ვრცლად
კრეატიულობის ტრეინინგი სააპელაციო სასამართლოში
2015-02-02
თბილისის სააპელაციო სასამართლოში ორგანიზაცია ideabakery-იმ კრეატიულობის ტრეინინგი ჩაატარა. ტრეინინგის მონაწილეებმა მოისმინეს სემინარი, სასამართლო სისტემის, მასში არსებული გამოწვევებისა და საჭიროებების შესახებ, ასევე იმ სერვისების შესახებ რომელსაც სასამართლო აწვდის საზოგადოებას. სემინარის ფარგლებში ტრენერმა სომხეთიდან, ისაუბრა იმ წესების და შეთავაზებების შესახებ, რომელიც გააუმჯობესებს, სასამართლო სერვისებს, გახდის მართლმსაჯულებას უფრო ადვილად ხელმისაწვდომს მოქალაქეებისათვის. სემინარის დასკვნით ნაწილში, მონაწილეებმა ე.წ Brain Storming-ის ფარგლებში გაცვალეს მოსაზრებები და იდეები იმასთან დაკავშირებით თუ რა შეიძლება გაკეთდეს, სასამართლოს უკეთ ფუნქციონირებისათვის. შეგახსენებთ, რომ განგრძობადი განათლების პროექტის ფარგლებში, თბილისის სააპელაციო სასამართლოში, ვორკშოპები, საჯარო ლექციები, სემინარები და ტრეინინგები ტარდება, მათზე დასწრება ნებისმიერი მსურველისათვის თავისუფალია;
ვრცლად
განახლდა იურიდიული დახმარების პორტალი
2015-01-28
განახლდა უფასო იურდიული დახმარების პორტალი www.probono.court.ge-ის დიზაინი და კონტენტი. პორტალს დაემატა ახალი გვერდები, კერძოდ, რუკა, სასამართლო ფორმები, კითხვა-პასუხი და იურიდიული ლექსიკონი. განახლებული ვებ-გვერდი უფრო მეტ რესურს სთავაზობს თვითდამცველ პირებს სათანადო დაცვის განხორციელებისათვის. უფასო იურიდიული დახმარების პორტალის (probono) პროექტს ახორციელებს თბილისის სააპელაციო სასამართლო. მიგვაჩნია, რომ საქართველოს კონსტიტუციის პრეამბულით გათვალისწინებული სოციალური სახელმწიფოს პრინციპის განუყოფელი ნაწილია სოციალური სასამართლოს იდეა. ვინაიდან ქართული სამართალწარმოება ეფუძნება შეჯიბრებითობის პრინციპს, სასამართლო ცვდილობს, ხელი შევუწყოს თვითდამცველი პირებისათვის თანაბარი სასტარტო პირობების შექმნას. სწორედ ამ მიზნის რეალიზებისათვის აუცილებლად მიგვაჩია, თვითდამცველი პირებისათვის ხელმისაწვდომი გავხადოთ უფასო იურიდიული დახმარების ინფორმაციული რესურსები.
ვრცლად
გიწვევთ სემინარზე
2015-01-28
თბილისის სააპელაციო სასამართლო და ორგანიზაცია „Idea Bakery “-ი 31 იანვარს, 13:00- დან 16:00-საათამდე გეპატიჟებათ ვორქშოფ-სემინარზე თბილისის სააპელაციო სასამართლოში. სემინარის თემაა: „სასამართლო სერვისები, სერვისების გაუმჯობესება და ახალი იდეები“. ვორქშოპ-სემინარს ჩაატარებენ: ქართველი, სომეხი და უკრაინელი ტრენერები; სემინარზე დასწრება თავისუფალია ნებისმიერი მსურველისათვის. დამატებითი ინფორმაცია, სემინარზე რეგისტაციისა და სამუშაო თემების შესახებ იხილეთ მითითებულ ბმულზე.
ვრცლად
საქართველო C ჰეპატიტის გარეშე
2015-01-21
თბილისის სააპელაციო სასამართლო იღებს საქართველოს პროკურატურის გამოწვევას და უერთდება ჯანდაცვის სამინისტროს მიერ წამოწყებულ აქციას - „საქართველო C ჰეპატიტის გარეშე“. საქართველოს მთავრობისა და ჯანდაცვის სამინისტროს ინიციატივით 2015 წელი C ჰეპატიტთან ბრძოლის წლად გამოცხადდა. კამპანია 3 ძირითად გზავნილს ატარებს: 1. C ჰეპატიტი დაძლევადია; 2. დროული დიაგნოსტიკა, განკურნების გარანტიაა; 3. დავიცვათ ჰიგიენის ნორმები. თავის მხრივ, თბილისის სააპელაციო სასამართლო გამოწვევას უგზავნის ქუთაისის სააპელაციო, ბათუმის საქალაქო და ბოლნისის რაიონულ სასამართლოებს.
ვრცლად
თბილისის სააპელაციო სასამართლო გილოცავთ დამდეგ ახალ წელსა და შობას
2014-12-31
გასული წელიწადი, ჩვენი სასამართლოსათვის წარმატებული და ნაყოფიერი გამოდგა. წლის მანძილზე, როგორც ჩვენი გვერდის ერთგული ვიზიტორები, თქვენ თვალს ადევნებდით ყველა იმ ახალ, ინოვაციურ და საინტერესო პროექტს, რომელიც სასამართლოში განხორციელდა. წლის მანძილზე, თქვენ გვიზიარდებოდით საკუთარ მოსაზრებებს, გვაძლევდით რჩევებსა, უბრალოდ იწონებდით ხოლმე იმ სიახლეებს, რომლის შექმნისთვის სააპელაციო სასამართლოს გუნდი ძალისხმევას არ იშურებდა. ვფიქრობთ, გასული წელი ნაყოფიერი გამოდგა, ვიმედოვნებთ, რომ ახალი, 2015 წელი კვლავინდებურად მრავალი სიახლის მომტანი გახდება ჩვენთვის. გილოცავთ დამდეგ ახალ წელს! ერთმანეთს კი, მომდევნო 2015 წელს შევხდებით!
ვრცლად
მოსწავლეთა იმიტირებული სასამართლო პროცესი
2014-12-29
შაბათს 27 დეკემბერს, თბილისის სააპელაციო სასამართლოში მე-60 სკოლის მოსწავლეებმა იმიტირებული სასამართლო პროცესი ჩაატარეს. მხარეებმა გაინაწილეს მოსამართლეების, ადვოკატებისა და პროკურორების როლები, ჩაატარეს მოწმის დაკითხვის პროცედურა, პროცესის ბოლოს კი გამოიტანეს შესაბამისი გადაწყვეტილება. თბილისის სააპელაციო სასამართლო განგრძობადი განათლების პროექტის ფარგლებში აქტიურად თანამშრომლობს, სკოლებთან და უმაღლეს სასწავლებლებთან. დაუმეგობრდით სასამართლოს და გაიგეთ უფრო მეტი სამართლის სფეროში მიმდინარე სიახლეების შესახებ.
ვრცლად
სააპელაციო სასამართლოს მილოცვა
2014-12-23
თბილისის სააპელაციო სასამართლოს სამოქალაქო საქმეთა პალატის მოსამართლე ირაკლი ადეიშვილი ეფექტური მართლმსაჯულების ევროპული კომისიის (CEPEJ) ვიცე პრეზიდენტად აირჩიეს. (CEPEJ) -ის მიზანია ევროპის საბჭოს წევრ ქვეყნებში მართლმსაჯულების ეფექტურობისა და ფუნქციონირების გაუმჯობესება. მისი მიზნების გასახორციელებლად CEPEJ-ი აგროვებს და აანალიზებს ინფორმაციას, განსაზღვრავს საზომ ინსტრუმენტებს და შეფასების საშუალებებს, შეიმუშავებს დოკუმენტებს (მოხსენებები, გაიდლაინები, სამოქმედო გეგმები და ა.შ.), ამყარებს კონტაქტებს სამართლის დარგის პროფესიონალებთან, არასამთავრობო და ორგანიზაციებთან, საინფორმაციო ცენტრებთან და ა.შ. საქართველოს სასამართლოს ეფექტური მართლმსაჯულების ევროპული კომისიასთან (CEPEJ) მრავალწლიანი ნაყოფიერი თანამშრომლობა აკავშირებს. თბილისის სააპელაციო სასამართლო ულოცავს ბატონ ირაკლის სამართლებრივ სივრცეში აღიარებული ორგანიზაციის - ეფექტური მართლმსაჯულების ევროპული კომისიის (CEPEJ) ვიცე პრეზიდენტად არჩევას და უსურვებს მას წარმატებებს.
ვრცლად
პრეზენტაციები უმაღლეს სასწავლებლებში
2014-12-23
18, 19 და 22 დეკემბერს, თბილისის ტექნიკურ, ივანე ჯავახიშვილის სახელობის სახელმწიფო უნივერსიტეტსა და საქართველოს უნივერისტეტის, სტუდენტებისათის, განმარტებითი იურიდიული ლექსიკონისა და თბილისის სააპელაციო სასამართლოში მიმდინარე პროექტების პრეზენტაცია შედგა. პრეზენტაციის ფარგლებში, სტუდენტები გაეცნენ განმარტებით იურიდიულ ლექსიკონის საიტს: www.gil.ge-ის, რომლის დახმარებითაც ნებისმიერ სტუდენტს საშუალება ეძლევა დროის უმოკლეს მონაკვეთში, იურიდიული ლიტერატურის დამუშავებისათვის საჭირო ნებისმიერი სამართლებრივი ტერმინის განმარტება მოიძიოს. პრეზენტაციის მეშვეობითვე, სტუდენტებმა შეიტყვეს იმ პროექტების შესახებაც, რომელსაც სააპელაციო სასამართლოს თავმჯდომარის ბიურო ახორციელებს. განსაკუთრებული ყურადღება გამოიწვია საგანმანათლებლო პროგრამებმა როგორიცაა: განგრძობადი განათლების პროექტი - რომლის ფარგლებში სააპელაციო სასამართლოში მუდმივად ტარდება საჯარო ლექციები. ინტერესის საგანივე გახდა სამართლის ელექტრონული ბიბლიოთეკა, რომელიც ამ მომენტისათვის საქართველოში არსებული ყველაზე მსხვილი სამართლებრივი ბიბლიოთეკაა. ბიბლიოთეკაში თავმოყრილია 16000-მდე სამართლებრივი ლიტერატურა, როგორც წიგნებისა და სტატიების ასევე სასამართლო გადაწყვეტილებების სახითაც. სააპელაციო სამართლოს ინიციატივით უკვე 2 წელია ფუნქციონირებს უფასო იურიდიული დახმარების პორტალი „Probono” - საიტის დახმარებით, დაინტერესებულ პირებს მარტივად შეუძლიათ მიიღონ კონსულტაცია მათთვის საინტერესო სამართლებრივ თემებზე. სტუდენტებმა ასევე მიიღეს ინფორმაცია სასამართლო ტურის შესახებ, რომელიც რეგულარულად ტარდება სააპელაციო სასამართლოში. ტურის ფარგლებში სტუდენტები და მოსწავლეები ისმენენ ლექციას სამართლის შესახებ, ლექციის ბოლოს ხვდებიან მოსამართლეს, ტურის დასკვნითი ნაწილი კი სააპელაციო სასამართლოს დათვალიერებაა.
ვრცლად
ტრეინინგი სააპელაციო სასამართლოში
2014-12-22
თბილისის სააპელაციო სასამართლოში, სასამართლოსა და ორგანიზაცია „ვიმეგობროთ“ ინიციატივით, შეზღუდული შესაძლებლობის მქონე უსინათლო და მცირემხედველ მოქალაქეებთან ურთიერთობის ეტიკეტისა და დახმარების წესების შესახებ ტრეინინგი გაიმართა. ტრეინინგის ფარგლებში, ორგანიზაციის ხელმძღვანელმა გია ჯვარშეიშვილმა სააპელაციო სასამართლოს მანდატურებსა და სხვა თანამშრომლებს გააცნო შეზღუდული შესაძლებლობის მქონე, უსინათლო და მცირემხედველ მოქალაქეებთან ურთიერთობის პირველადი წესები, თუ როგორ უნდა მოხდეს აღნიშნული ადამიანებისათვის საჭიროების შემთხვევაში ჯეროვანი და ზუსტი დახმარების გაწევა. როგორც ტრეინინგის დასაწყისშივე იქნა აღნიშნული, წესების ზედმიწევნით კარგად ცოდნა მნიშვნელოვანი, იმისათვის რათა მოხდეს შეზღუდული შესაძლებლობის მქონე, უსინათლო ან მცირემხედველ მოქალაქეებთან ურთიერთობისას მათი უნებლიე დაზიანების თავიდან აცილება. ტრეინინგის ფარგლებში მონაწილეები გაეცნენ, გადაადგილებისათვის საჭირო იმ საშუალებებს რომელსაც უსინათლო ან მცირე მხედველობის მქონე მოქალაქეები იყენებენ, სცადეს ბრაილის შრიფტის დაწერილი წიგნების გაცნობა, თუმცა ყველაზე საინტერესო მონაწილეთათვის უსინათლოთა სიმულატორის საკუთარ თავზე მორგება აღმოჩნდა. ტრეინინგის პრაქტიკულ ნაწილში მონაწილეებმა, უსინათლოთა სიმულატორები მოირგეს, სიმულატორის მეშვეობით მათ სრულად შეეზღუდათ მხედველობა სწორედ ამიტომ ყველაზე ნათლად შეძლეს, იმ დაბრკოლების და წინააღმდეგობის შეგრძნება, რომელსაც უსინათლოები ყოველდღიურობაში ხვდებიან. თბილისის სააპელაციო სასამართლო, მეორე უწყებაა, რომელმაც მსგავსი ტიპის ტრეინინგის ჩატარების თხოვნით ორგანიზაცია „ვიმეგობროთ“-ს მიმართა, ჩვენ მიგვაჩნია და ღრმად ვართ დარწმუნებულნი, სრულყოფილი და ხელმისაწვდომი გარემო სასიცოცხლოდ მნიშვნელოვანია ნებისმიერი მოქალაქისათვის. სააპელაციო სასამართლო უახლოეს მომავალში გეგმავს მრავალ ცვლილებას, უსინათლო, მცირემხედველ და შეზღუდული შესაძლებლობის მქონე მოქალაქეთათვის. თბილისის სააპელაციო სასამართლო უხდის უდიდეს მადლობას ორგანიზაცია „ვიმეგობროთ“-ს ხელმძღვანელს გია ჯვარშეიშვილს ტრეინინგის უსასყიდლოდ ორგანიზებისთვის, სააპელაციო სასამართლო იმედს გამოთქვამს, რომ ორგანიზაციასთან თანამშრომლობა აქტიურ და მჭიდრო ხასიათს შეიძენს.
ვრცლად
სისხლის ჩაბარების აქცია ლეიკემიით დაავადებული ბავშვების დასახმარებლად
2014-12-18
დღეს სააპელაციო სასამართლოში სისხლის ჩაბარების აქცია გაიმართა, სასამართლოს აპარატის თანამშრომლებმა და მოსამართლეებმა ლეიკემიით დაავადებული ბავშვებისთვის სისხლი გაიღეს. ვიაზრებთ რა დიდ სამოქალაქო პასუხისმგებლობას, რომელიც თითოეულ მოქალაქეს საზოგადოების წინაშე აქვს, უკვე მეორე წელია სააპელაციო სასამართლოს თითოეული თანამშრომელი ცდილობს სულ მცირედი წვლილი მაინც შეიტანოს იმ ბავშვების გადასარჩენად, რომლებიც ლეიკემიის მძიმე სენს ებრძვიან. თოთო ადამიანის მიერ გაღებული სისხლი, ლეიკემიით დაავადებულ ერთ ბავშვს 3 დღით უხანგრძლივებს სიცოცხლეს. სააპელაციო სასამართლო მადლობას უხდის თითოეულ თანამშრომელს ვინც აქციაში მიიღო მონაწილეობა. მსგავსი ტიპის საქველმოქმედო აქციებს სასამართლო მომავალშიც გააგრძელებს.
ვრცლად
თბილისის სააპელაციო სასამართლოს მობაილ ვერისა უკვე თქვენს სმარტფონებსა და პლანშეტებში
2014-12-18
თბილისის სააპელაციო სასამართლო აგრძელებს ზრუნვას მოქალაქეთა ინფორმირებულობაზე, სწორედ ამ მიზნით, შეიქმნა სააპელაციო სასამართლოს ვებ-გვერდის მობილური აპლიკაცია. აპლიკაციის დახმარებით მოქალაქეები მოქნილად შეძლებენ მიიღონ მათთვის სასურველი ინფორმაცია. აპლიკაცია, საშუალებას გაძლევთ, იხილოთ სხდომის განრიგები, სასამართლოს სიახლეები, ინფორმაცია მოსამართლეთა ბიოგრაფიების შესახებ. აპლიკაცია ასევე საშუალებას იძლევა ღილაკი „სრულად ნახავის“ გამოყენებით შეძლებთ გადახვიდეთ სააპელაციოს ასამართლოს ოფიციალურ გვერდზე და დაათვალიეროთ ფოტო და ვიდეო გალერეა. 3G ინტერნეტის მოხმარების შემთხვევაში, აპლიკაცია იტვირთება სწრაფად და მოითხოვს ნაკლებ ინტერნეტ რესურსს
ვრცლად
სასამართლოს მოხელეთა სპეციალურ სასწავლო კურსი
2014-12-17
საჯარო სამართლის იურიდიული პირი - იუსტიციის უმაღლესი სკოლა აცხადებს მიღებას სასამართლოს მოხელეთა (მოსამართლის თანაშემწე, სხდომის მდივანი, სასამართლოს სხვა მოხელეები) სპეციალურ სასწავლო კურსზე. სასწავლო კურსის ხანგრძლივობაა 2 თვე და მოიცავს, როგორც თეორიულ ისე პრაქტიკულ მეცადინეობებს. სასწავლო კურსი ფასიანია. კანდიდატებს საბუთების შემოტანა შეუძლიათ, 2014 წლის 15 დეკემბრიდან 25 დეკემბრის ჩათვლით (შაბათ-კვირის გარდა), 10:00 საათიდან 18:00 საათამდე, შემდეგ მისამართზე: იუსტიციის უმაღლესი სკოლა, ქ. თბილისი, პეკინის ქუჩა N29 (ბულაჩაურის ქუჩის მხრიდან). გთხოვთ, დეტალური ინფორმაცია იხილოთ სსიპ იუსტიციის უმაღლესი სკოლის ვებგვერდზე - www.hsoj.ge .
ვრცლად
პრეზენტაცია სკოლა: "ჯეჯილში"
2014-12-16
სკოლა ჯეჯილი დღეს სააპელაციო სასამართლოსა და გერმანიის საერთაშორისო თანამშრომლობის საზოგადოების პრეზენტაციებს მასპინძლობდა. პროექტ „სამართლის ქალაქის“ ფარგლებში მოსწავლეები მთელი საქართველოს მასშტაბით სამართლის სახალისო ლიტერატურას ეცნობიან. წიგნი „სამართლის ქალაქი“ არის დამხმარე ლიტერატურა პედაგოგებისა და მოსწავლეებისათვის, სადაც თავმოყრილია სხვადასხვა სამართლებრივი კაზუსები. სახელმძღვანელო ასევე მკითხველს სთავაზობს, კაზუსის ამოხსნასა და სამართლებრივ განმარტებას. ამავე პროექტის ფარგლებში, შეიქმნა ბავშვთა სახალისო საიტი teen.court.ge, რომელიც ნებისმიერ მსურველს საშუალებას აძლევს სამართლის ქალაქის ელექტრონულ ვერსიას გაეცნოს. ასევე, საიტზე მოზარდები შეძლებენ ნახონ სპეციალურად მათთვის შექმნილი: ილუსტრირებული წიგნები გასართობი და ინფორმაციული შინაარსით, სამართლებრივი ლექსიკონი ბავშვებისათვის (ლექსიკონი ინტეგრირებულია ვებ-გვერდთან); ტესტები (სხვადასხვა თემატიკის და სირთულის რამდენიმე დონე), რომელთა გამოყენებით მოსწავლეები შეძლებენ გამოცადონ საკუთარი ცოდნა. საიტზე განთავსდება სამართლის კურსი, რომლის გავლის შემდეგ მომხმარებლები მიიღებენ სერტიფიკატს სასამართლოსგან. აქვე ნებისმიერი ვიზიტორი შეძლებს მოიძიოს: სამართლებრივი შინაარსის გასართობი და მიმზიდველი თამაშები, ვიქტორინები და მრავალი სხვა საინტერესო ინფორმაცია. პრეზენტაციის ბოლოს მოსწავლეებსა და პედაგოგებს საჩუქრად გადაეცათ წიგნი: "სამართლის ქალაქი"
ვრცლად
© 2013, თბილისის სააპელაციო სასამართლო
ქ. თბილისი, გრ. რობაქიძის გამზ. 7ა, 0159
სატელეფონო ცენტრი: (+995 32) 251 85 21

საიტის ძველი ვერსია